今年與小學同學的聚會特別多, 亦特別開心

感覺大家都是老朋友, 不是經常見到面,

但一見就玩得好埋, 好好玩^^

暑假去長洲camp, 一起吃海鮮, 夜晚又圍在一起玩,

一個星期後去其中一個fd屋企, 原本沒想過會過夜,

但最後亦沒有回家, 傾通宵計      真有趣

大家說起小時候的事情,

我發覺自己的記憶力真差, 很多事都忘記了,

連某些小學同學的樣子, 名字都要想很久才想起.

當說到大家小時候做的白痴的事, 就會哈哈大笑,

原來大家最會出貓的是在小二時

哈哈, 我那時仍是乖乖學生, 不會出貓

但次次默書都差不多零雞蛋.

昨天, 又一次聚會=)

又去那朋友屋企, 打邊爐+慶祝生日

哈哈, 男的依舊沒甚麼風度, 但好像已經比以前好多了

我們最喜歡串人, 好像不點起一個火頭不心熄, 很好笑

佩詩今日生日, 我們等到12點後才吃蛋糕

前幾日亦是彤+遠的生日, 一起慶祝

哈哈, 當然要加上慶祝我的生日啦

再收到3份生日禮物, 超鍾意

looking forward to next gathering

近來很喜歡一個廣告

"開心就笑, 眼訓就訓覺, 肚餓就食野..."

即是想做甚麼就去做. that's what i want.

一直以來都很感恩,

感恩有人待我好

當我在外面不開心時,

回到家, 家人會令我笑,

感覺上比我更小朋友的細家姐很搞笑

她說話令我覺得很嘈, 但她的反應又很好笑.

當我在家不開心時,

朋友會聽我訴苦, tum我開心

但我發覺更值得感恩的是我有神, 沒有祂哪有我?

我並不介意你跟誰較熟, 但請不要當我無到!

今個星期, 兩日半讀書, 兩日半玩

尋日學校旅行, 今日班活動踩單車.

旅行, 玩高空繩網,

記得小六旅行都玩過, 估唔到6年後再黎過

我地班分左兩組, 單雙數, 我係6A單

有4個活動, 巨人天梯, 游繩, 千秋繩, 天橋

因為唔夠時間, 所以冇玩到游繩.

個天梯真係驚死我@@

佢兩級樓梯既距離係我企直再伸直手都未必掂到,

我同兩百蚊一組, 好采佢識自力更新

我好勇咁行出去玩, 但一上第一級就驚驚地,

上到第二級簡直想放棄,

係下面望上去唔覺得好高,

但自己係上面玩就高, 又好似好唔穩陣咁

最後去到第三級就唔玩.

lunch, 成大班6A一齊食m記

之後玩千秋繩同天橋, 差唔多有3, 4層樓高

爬上去個陣勁驚@@

同yoyo一組, 正!

雖然真係好驚, 怕高,

但我都試到用手爬上3, 4層樓高

踩單車, 29個同學加老趙

嘩, 今次勁啦

由大水坑踩到大尾督, 再踩返去大水坑

好開心

成班一齊個陣就係咁笑,

幾個個陣就傾計, 講笑,

一個人個陣就睇下景, 幾舒服

食完飯去左公園玩, 久違既韆鞦+xx轉

第1次踩雙人單車, 原來好難踩

可能前面個個唔夠穩, 成日搖

踩完去睇2012, 坐第3行最邊既位 = =

但冇想像中咁辛苦

感謝神俾我地有兩日咁好既天氣,

冇落大雨, 又唔太凍唔太熱

2+係8/11/2009, 01:49a.m.

F.6既4隊逆旅先鋒正係到行緊山,

去緊第3個check point.

佢地要行30k, 上山落山再上山再落返山

而我今年係做supporting team, 冇行山.

不過我預備極度不足, 做得唔好.

教會有唔少人都係由細返到大,

有d既父母係教會到侍奉,

今日聽到有個女仔既daddy曾經係另一個男仔既小組導師,

而個男仔既mummy係個女仔細個個陣既主日學導師.

真係幾好, 但又有d搞笑

講返行山,

見到佢地行, 自己都想行

今年應該係最適合去既一年,

可惜我冇報到,

唔知下年點呢, 如果可以, 我會去行!

今個星期都downdown地

crush on the story, couldt back to the reality

加上test成績差, 同埋感恩節比較多野做

test, fail左3份paper, 文化篇章, phy, practical skill

而pass既都只係僅僅pass.

不過pass到apply係最開心既

anyway, 一次test唔代表d咩

但真係要俾多d心機,

somehow我都仲係好懶

感恩節, 買糖, 包糖, 賣糖

真係好趕, 但係都做得幾開心

我相信收糖收咭收點唱既人都好開心

第一次有人點唱俾我

雖然我聽唔到, 但係都開心到暈

多謝迪迪

今日睇左"Michael Jackson's This Is It"

一向對佢都冇乜好感,

但到佢過左身, 聽返佢d歌, 睇返佢d video

再到今次既concert花絮

佢真係king of pop, of stage.